د افغاني سرې میاشتې د معاون د معرفت غونډه ترسره شوه
نن د محرم الحرام د میاشتې پر ۱۴مه، د افغاني سرې میاشتې نوی مرستیال ښاغلی الحـ.ـ.ـافـ.ـ.ـظ عـ.ـ.ـزیز الرحـ.ـ.ـمن د یو لړ شانداره مراسمو په ترڅ کې د يادې ادارې کارکوونکو ته ور وپېژندل شو.
ناسته چې د قرآنکريم په مبارکو ایتونو پيل شوه؛ ورپسې د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور د افغاني سرې میاشتې نوي مرستیال ته ښه راغلاست ووایه او د هغه د تېرو خدمتونو د ستاینې تر څنګ یې نوموړي ته په نوې دنده کې د الله سبحانه و تعالی له درباره د لا ډېرو بريالیتوبونو غوښتنه وکړه.
دا راز ښاغلي دلاور افغاني سره میاشت د پېښځپلو، اړمنو او بې سرپرسته هېوادوالو د لاسنیوي مرکز ياد کړ او له اړوندو رئیسانو او کارکوونکو یې وغوښتل چې د بشري خدمتونو په ترسره کولو په ژمنتیا، امانتدارۍ او رښتينولۍ خپلې چارې مخته يوسي.
ورپسې د افغاني سرې میاشتې نوي مرستیال ښاغلي الحافظ عزيزالرحمن په خپلو څرګندونو کې تغير او تبدیل د یوې ادارې مهم اصل وباله او د عالیقدر امیرالمؤمنین حفظه الله پر حکم يې خوښي څرګنده کړه، همدا ډول په نوې دنده کې د ښو خدمتونو ترسره کولو د ژمنې ترڅنګ یې ددې خيريه ملي ټولنې رئيسانو او کارکوونکو ته د بشپړې همغږۍ او همکارۍ ډاډ ورکړ.
