د افغاني سرې میاشتې د مرکز او ولاياتو د دعوت او ارشاد مديرانو ترمنځ د همغږۍ د پراختيا او لاسته راوړنو په تړاو ورکشاپ پيل شو!
د افغاني سرې میاشتې د مرکز او ولاياتو د دعوت او ارشاد مديرانو ترمنځ د همغږۍ د پراختيا او لاسته راوړنو په تړاو ورکشاپ پيل شو!
نن دوشنبه د شعبان میاشتې پر ۲۵ مه، د افغاني سرې میاشتې مرکزي دفتر کې د دعوت او ارشاد رياست اړوند د مرکز، ساحوي رياستونو او نمايندګيو د دعوت او ارشاد مديرانو ترمنځ د همغږۍ د پراختيا او د دوى د لاسته راوړنو په اړه ۳ ورځنی ښوونیز ورکشاپ، په عملیاتي چارو کې د سکرتر جنرال د مرستیال ښاغلي مولوي عبداللطيف ثابت، د ياد رياست د رئيس ښاغلي مولوي ګل الرحمن مهاجر او د مقام د معاونيت د سلاکار ښاغلي مولوي هدايت الله فتاحي په شتون کې پيل شو.
د ياد ورکشاپ په پرانیسته کې د افغاني سرې میاشتې د دعوت او ارشاد ښاغلي رئيس د ننني ورکشاپ د ارزښت او اهميت په تړاو د خبرو ترڅنګ په ټولنه کې د غوره دعوت د مخته وړلو او د داعي د مسٸوليتونو په اړه مفصل معلومات وړاندې کړل.
ورپسې په عملیاتي چارو کې د سکرتر جنرال ښاغلي مرستیال د اسلام له نظره د دعوت د اصولو او د داعي د صفاتو او اخلاقو په هکله تفصيلي بيان وړاندې کړ او د خلکو د فکري روزنې په برخه کې يې د دعوت او ارشاد د مديرانو دوامداره هڅې مهمې يادې کړې او له دوى يې وغوښتل څو د الله تعالى د رضايت په پام کې نيولو سره په خالص نيت د الله پاک او د هغه د رسول صلى الله عليه وسلم پيغام تر خلکو په سمه طريقه ورسوي.
