د افغاني سرې میاشتې د رییسانو په کچه اداري ناسته ترسره شوه!
د روان ۱۴۰۰لمریز کال د لیندۍ پر ۲۸مه د افغاني سرې میاشتې په مرکزي دفتر کې د رییسانو په کچه اداري ناسته ترسره شوه. په یاده ناسته کې چې مشري یې د افغاني سرې میاشتې سرپرست عمومي رییس مولوي مطیع الحق خالص کوله؛ پاکستان هېواد ته د افغاني سرې میاشتې د سرپرست عمومي رییس مولوي مطیع الحق خالص پر کړي کاري سفر او د سفر په جریان کې افغانستان ته په راجلب کړو مرستو او په دې اړه په ترسره شویو ملاقاتونو خبرې وشوې.
پر دې سربېره د افغاني سرې میاشتې له لوري د هېواد په لر او بر کې پر وخت د مرستو پر وېش او شفافیت بحث وشو او تر څنګ یې د سرې میاشتې پر ځینو اړوندو موضوعاتو نظرونه تبادله شول.
