د افغاني سرې میاشتې د ارشاد او دعوت ریاست له لوري د مرکزي روغتون د کارکوونکو د هڅونې او اصلاح غونډه دایره کړه!
د افغاني سرې میاشتې د ارشاد او دعوت ریاست له لوري د صفرالمظفر پر ۲۸مه په کابل ښار کې د افغاني سرې میاشتې د مرکزي روغتون کارکوونکو ته ښوونیزه او اصلاحي غونډه دایره کړه.په دې ناسته کې د ارشاد او دعوت ریاست رییس ښاغلي مولوي ګل رحمن مهاجر او مدرس ښاغلي شیخ الحدیث فضل الرحمن یادو کارکوونکو ته د قرآن او حدیثو په رڼا کې ارزښتناکې او ګټورې توصیې وړاندې کړې او تر څنګ یې د امیرالمؤمنین حفظة الله فرمان حاضرینو ته واوراوه او سپارښتنه یې وکړه،کوم کارکوونکي، چې د اسلامي امارت په اډانه کې کارکوي؛ سیرت او صورت دې په نبوي سنتو برابر کړي، هر کارکوونکی باید لمونځ په جمعې سره اداء کړي او ښځينه کارکوونکې دې اسلامي حجاب مراعات کړي.
نوموړي ټینګار وکړ، چې درې څيزونه مو اصلاح کړئ، عقیده، ژبه او عمل،کله چې د یو انسان درې څېزونه له اسلامي شریعت سره سم وي؛ هېڅ کله به له ستونزو سره مخ نه شي، هغه زیاته کړه، ډاکټران دې د ناروغانو په درملنه کې پوره هڅه وکړي، شفا ورکوونکی الله دی، ډاکټران یواځې د وسایلو په کارولو مکلف دي، هیله ده ټولې چارې په پوره تقوا او ایماندارۍ سره ترسره کړئ.
