د افغاني سرې مياشتې د مرکزي دفتر ټولو کارکوونکو ته د دعوت او ارشاد رياست له لوري په ورځني ډول دیني ښوونیزې زده کړی ترسره کیږي!
د افغاني سرې مياشتې د دعوت او ارشاد رياست تل هڅه کوي، چې د سرې مياشتې ټولو کارکوونکو ته د ژوند د اصولو ترڅنګ ديني ښوونه او روزنه - هم ترسره کوي، په همدې موخه د افغاني سرې مياشتې د دعوت او ارشاد رياست د ددې ټولنې د مرکزي دفتر اړوند کارکوونکو ته په ورځني ډول ددي ټولنې په مرکزي جومات کې د ماسپښین د لمانځه وروسته د شریعت په رڼا کې د ژوند هر اړخيز مسايل لکه : عقیده، اخلاق، عبادات، معاملات، سيرت النبي او د وخت او اړتیا سره سم نور هغه ديني مسايل چې یو مسلمان ورته اړتیا لري په خورا عالي لهجه تدريس او په شرعي نصوصو ولاړ او برابر بيان کوي، چې کارمندان ورته ډیر په شوق او ذوق کینې او ډیره لویه استفاده ترې کيږي.
