دافغاني سرې میاشتې عمومي سرپرست ریس ښاغلي شهاب الدین دلاور او مرستیال یې د نړیوال فدراسیون او د بیلګټس د بنسټ له مسؤلینو سره وکتل.
د افغاني سرې میاشتې سرپرست عمومي رئیس ښاغلي شيخ الحديث شهاب الدين دلاور او د نوموړي مرستیال ښاغلي الحافظ عزیز الرحمن نن پنجشنبه د ربیع الاول میاشتې پر ۱۶ مه، د بېلګېټس بنسټ د اسيايي برخې له مسؤلې آغلې اناماریا او په افغانستان کې نړیوال فدراسیون د روغتیا له مسٸول اېناک اویو شمېر نور مسٸولینو سره د روغتیايي خدماتو د ګړندیتوب په موخه آنلاین ناسته وکړه.
د ناستې په پيل کې سرپرست عمومي رئیس د روغتیا په برخه کې ددې بنسټ له همېشنۍ مرستې او ملاتړ څخه د مننې ترڅنګ د افغاني سرې مياشتې له لوري د رواني ناروغانو د درملنې او پالنې د مرکزونو او خدماتو په تړاو بشپړ معلومات وړاندې کړل او دې برخه کې یې له دوی څخه د بېړنيو او اړینو مرستو غوښتنه وکړه.
ورپسې په آسیا کې د بېلګېټس بنسټ مسؤلې او په افغانستان کې د نړیوال فدراسیون د روغتیا مسؤل د خپلو روغتیایي همکاریو په تړاو د معلوماتو وړاندې کولو ترڅنګ د روغتیایې خدماتو د پراختیا او لا ښه والي په برخه کې د همکارۍ هيله څرګند کړه.
