خوست ولایت کې د افغاني سرې میاشتې ټولنې له لوري ۸۰۰ کورنیو ته مرسته ووېشل شوه!
یکشنبه د روان ۱۴۰۱ لمریزکال د وري (حمل) میاشتې پر ۲۱ مه نېټه د افغاني سرې میاشتې ټولنې له لوري د خوست ولایت د علي شېر او ځاځي میدان ولسوالیو پر ۸۰۰ اړمنو او بې سرپرسته کورنیو د خوراکي توکو مرسته ووېشل شوه.
یاده مرسته، چې د ترکیې هېواد له لوري چمتو شوې وه؛ هرې کورنۍ ته په کې ۱۰ کیلو اوړه، ۱۰ کیلو بوره، ۵ کیلو غوړي، ۶ کیلو مکروني، ۲ کیلو لوبیا، ۲ کیلو نخود، ۲ کیلو رُب، ۱۲ کیلو وریژې او ۲ کیلو دال شامل وو.
