تورخم!
نن سه شنبه د ربيع الثاني ۲۳مه، د افغاني سرې مياشتې ګرځنده روغتيايي ټيمونو په تورخم کې راستنېدونکي ۲۲۱ تنه ټپيان پانسمان کړي دي. په یادو ټپيانو کې هغه وګړي شامل دي، چې د دانې، نوک، له غر د ښوېدنې او داسې نورو لاملونو له مخې ټپيان شوي وو. بايد وويل شي،چې افغاني سره مياشت په تورخم کې راستنېدونکو کډوالو ته نه يوازې دا چې په روغتيايي برخه پانسمان کوي، بلکې د روغتيا په نورو برخو لکه او پي ډي، قابله ګۍ، رواني ناروغانو ته مشورې ور کول، واکسين او نورو کې خپل بشرپال خدمتونه تر سره کوي.
