بلخ کې ۱۵۰ زلزله ځپلو کورنیو ته خوراکي توکي ورکړل شول
دوشنبه، ۱۷ جمادی الآخره ۱۴۴۷
د افغاني سرې میاشتې له لوري د بلخ ولایت د مارمل ولسوالۍ د بېلابېلو کلیو له ۱۵۰ زلزله ځپلو کورنیو سره د اقتصادي لاسنیوي په موخه ۱۱.۵۲۰ ټنه د خوراکي توکو مرسته وشوه.
یاده مرسته چې د ترکیې د سرې میاشتې له لوري چمتو شوې وه، هرې کورنۍ ته ۷۶.۸ کیلو خوراکي توکي ورکړل شول، چې اوړه، غوړي، وریژې، بوره، لوبیا، مکروني، شین چای، رُب او بیسکټ په کې شامل وو.
دا خوراکي مرسته به د زلزله ځپلو کورنیو د لنډمهاله خوړو اړتیاوې تر ډېره پوره کړي او د ژوند د بیا منظمېدو په بهیر کې به عملي او مهم اغېز ولري.
