بادغیس
د افغاني سرې میاشتې له لورې د نشراتي ناستو په لړ کې، نن دوشنبه د روان ۱۴۴۴ کال د جمادی الاولی په ۱۸مه د بادغیس ولایت په حاجي عبدالصمد قریه کې ۲۰ تنه ښوونکو او ځوانانو ته نشراتی غونډه جوړه شوه. په یاده غونډه کې د نشراتو مدیر له لورې ګډونوالو ته د افغاني سرې میاشتې او غورځنګ تاریخچه، اصول، نښانونه، او چوپړونه تشریح شول. همداراز د افغاني سرې میاشتې د لومړنیو مرستو ټرینرانو له لورې د یاد ولایت جرسرک قریه کې ۱۵ تنه مشرانو ته روغتیایې کمیټه جوړه شوه. په یاده کمیټه کې ګډونوالو ته د لومړنيو روغتیایې مرستو اړوند معلومات ورکړ شو.
