افغاني سرې میاشتې میدان وردګو ولایت کې ۵۰۰ کورنیو ته مرسته ووېشله!
اړمنو کورنیو سره د بشرپالو مرستو ترسره کول د افغاني سرې میاشتې له سترو موخو ګڼل کېږي، په همدې موخه یې د خپلو بشرپالو مرستو په لړ کې نن شنبه د ربیع الاول پر ۲۶مه د نړیوال فدراسیون او ترکیې هېواد په مرسته د میدان وردګو ولایت د سید آباد ولسوالۍ په بېلابېلو کلیو کې ۵۰۰ سېلاب ځپلو کورنیو سره د اته قلمه خوراکي توکو مرسته، چې هرې کورنۍ ته په کې ۱۰۰ کیلو اوړه، ۲۴.۵ کیلو وريژې، ۱۰ لیتره غوړي، ۸ کیلو لوبیا، ۵ کیلو بوره، ۱ کیلو چای، ۲ کیلو مالګه او یوه بسته Bp-5 بیسکټ شامل وو، وويشل.
