افغاني سرې میاشتې د سوري زړه په ناروغۍ اخته ۳۱ تنه ماشومان روغتونونو ته ور وپېژندل!
افغاني سره میاشت د اړمنو او بېوزلو لاسنیوی خپل مسئولیت ګڼي، په همدې موخه یې نن سه شنبه د ربیع الثاني پر ۱۳مه د هغه هوکړه لیک پر بنست، چې کابل کې یې د فرانسویانو او حاجي امیرزاده روغتونونو سره لاسلیک کړی؛ یو ځل بیا د عملیات او درملنې په موخه د سوري زړه په ناورغۍ اخته ۳۱ تنه ناروغ ماشومان ور وپېژندل.
د ناروغانو د سپارلو پر مهال د یادو روغتونونو د زړه د څانګې مسئولینو ژمنه وکړه، چې په پوره غور سره به د ورپېژندل شویو ناروغانو درملنه کوي.د یادولو وړ ده، چې له دې وړاندې هم کابل کې د فرانسویانو، ګلوبل، آريانا او باسط روغتونونو ته ورته ناروغان ورپېژندل شوي وو، د یادو ناروغانو پر درملنه د بيمارۍ وخامت ته په کتلو له ۷۵۰ څخه ۲۳۵۰ امریکایي ډالرو پورې لګښت راځي، چې ټول مصرف يي د افغاني سرې میاشتې له لوري ورکول کېږي.
