افغاني سرې میاشتې او د کویټ د خیریه بنسټونو ترمنځ د ۱ میلیون ډالرو د مرستې هوکړه لیک لاسلیک شو!
د شوال پر ۲۸مه د افغاني سرې میاشتې د سرپرست عمومي رییس مولوي مطیع الحق خالص او دکویټ دخیریه بنسټونو دکمیټې د مشر جمال عبدالخالق ترمنځ د ۱میلیون امریکایي ډالرو دمرستې تړون لاسلیک شو.
ددغه هوکړه لیک پر بنسټ به د کویت خیریه بنسټونه د ۱ میلیون امریکایي ډالرو په ارزښت د خوراکي موادو مرسته کوي، چې په ۵ ولایتونو کې به شاوخوا ۹ زره کورنیو ته ووېشل شي. ددې هوکړه لیک له مخې به لدې وروسته د کویټ د خلکو او د ولسونو مرستې د افغانستان ولس ته په منظمه بڼه رسېږي.
د افغاني سرې میاشتې سرپرست عمومي رییس د هوکړه لیک له لاسلیک وروسته په خپلو څرګندونو کې وویل، چې افغانان له ګڼو بندیزونو سره مخ دي او په سخت اقتصادي حالت کې قرار لري، وخت یې دی چې لاسنیوی یې وشي. د نوموړي په وینا منظمې مرستې کولای شي د افغانانو په ژوند کې مثبت بدلون راولي.
