افغاني سره مياشت د پېښځپلو د لاسنيوې، د ناروغانو د درملنې او د بي سرپرسته وګړو د مرستې په موخه هر کال په ټول هېواد کې د تلې پر ۲۴مه د ځانګړې اونۍ د پیل په موخه پرانیست غونډې دایروي!
افغاني سره مياشت د پېښځپلو د لاسنيوې، د ناروغانو د درملنې او د بي سرپرسته وګړو د مرستې په موخه هر کال په ټول هېواد کې د تلې پر ۲۴مه د ځانګړې اونۍ د پیل په موخه پرانیست غونډې دایروي. افغاني سرې میاشتې نن دوشنبه د ربیع الثاني پر لومړۍ نېټه د یاد هدف په موخه د هېواد په ځینو ولايتونو ( بلخ، جوزجان، سرپل، فاریاب، سمنګان، بدخشان، غزني، تخار، کونړ، ننګرهار، لغمان، پروان، کاپیسا، پکتیکا او پکتیا) کې د دولت لوړ پوړه چارواکو، قومي مشرانو، مخورو او دیني علماو په ګډون پرانست غونډې دايرې شوې. د غونډو ګډونوالو ته د ځانګړې اونۍ په ویاړ د افغانستان اسلامي امارت د رئیس الوزراء او د افغاني سرې میاشتې د سرپرست عمومي رئیس پیغامونه واورول شول، چې په کې له ګډونوالو او خیر پاله هېوادوالو غوښتنه وشوه؛ تر څو له افغاني سرې میاشتې سره خپلې مرستې ونه سپموي او تر خپل توانه له افغاني سرې میاشتې ملاتړ وکړي.دا راز په یادو غونډو کې دولتي چارواکو، قومي مخورو او دیني علماوو هم په خپلو څرکندونو کې له شتمنو او خیر پاله هېوادوالو غوښتنه وکړه؛ ترڅو د ځانګړې اونۍ په ورځو کې د افغاني سرې میاشتې له رضاکارانو د مرستې ټیکټونه وپیرې او د بېوزله او اړمنو ناروغانو په لاسنیوي کې سهیم شي.
