اسلام کلا او میلک بندرونو کې د پخو خوړو وېش او روغتیايي خدمتونه لا هم روان دي
چهارشنبه، ۵ صَفَر ۱۴۴۷
د افغاني سرې میاشتې د کارکوونکو او رضاکارانو له لوري، د هرات ولایت په اسلامکلا او نیمروز ولایت په میلک بندرونو کې له ایرانه راستنو شوو کډوالو ته د پخو خوړو او څښاک اوبو ترڅنګ روغتیايي خدمتونه دوام لري.
نن ورځ، په سيمه کې د ګرځنده روغتیايي ټیمونو له لوري سلګونه کډوالو ته د روغتیايي خدمتونه وړاندې کولو ترڅنګ هرات کې پر ۳ زرو او نيمروز کې پر ۳۵۰ تنو تازه راستنو شوو کډوالو پاخه خواړه او د څښاک پاکې اوبه ووېشل شوې.
