د افغاني سرې میاشتې عمومي رییس ولایتونو ته د خپلو سفرونو په لړ کې په پکتیا ولایت کې د افغاني سرې میاشتې د نمایندګۍ ریاست ته سفر وکړ
د افغاني سرې میاشتې عمومي رییس ښاغلي مولوي مطیع الحق خالص ولایتونو ته د خپلو سفرونو په لړ کې د یکشنبې په ورځ په پکتیا ولایت کې د افغاني سرې میاشتې د نمایندګۍ ریاست ته سفر وکړ او د یاد ریاست له کارکوونکو، رضاکارانو او د کلوپ له زده کوونکو سره یې لیدنه ترسره کړه. نوموړي له لیدنې وروسته ټولو ته عمومي وینا وکړه او ویې ویل دی خوښ دی، چې تل چېرته هم طبیعي پېښه رامنځ ته شوې، نو له هر چا لومړی د افغاني سرې میاشتې کارکوونکو ځان ور رسولی. نوموړي تاکید وکړ، چې باید دوی د افغاني سرې میاشتې له لوري کیدونکې مرستې په پوره شفاف ډول تر اړمنو ورسوي. د افغاني سرې میاشتې سرپرست عمومي رییس ښاغلي مولوي مطیع الحق خالص په خپله وینا کې وویل دی ژمن دی، چې د هېواد په کچه به د اړمنو وګړو د لاسنیوي لپاره پرلپسې هڅې کوي او چېرته چې هم طبیعي او غیر طبیعي پېښه وشي، نو دی به هڅه کوي، چې ډېر زر د زیانمنو لاسنیوی وکړي.ښاغلي مولوي م.ط.ی.ع ال_حق خا_لص وویل دده د دفتر دروازې د ټولو وګړو پر مخ پرانیستې دي او هر څوک هر وخت کولی شي خپل غږ تر دوی ورسوي. د نوموړي پر وینا دی د ولس خدمت او لاسنیوی خپل ایماني او هېوادنی مسوولیت بولي.
