د افغاني سرې میاشتې سرپرست عمومي رئیس د سیلابونو له امله د اوښتي زیان له نېږدې د ارزونې په موخه پرون ننګرهار ولایت ته سفر وکړ!
پینځه ورځې وړاندې سیلابونو د هېواد د ګڼو ولایتونو په څېر ننګرهار ولایت کې هم یو شمېر هېوادوال شهیدان کړل او سلګونه کورنۍ یې زیانمنې کړې. د افغاني سرې میاشتې سرپرست عمومي رئیس ښاغلي مولوي م.ط.ی.ع ال_حق خا_لص په ننګرهار ولایت کې د سیلابونو له امله د اوښتي زیان له نېږدې د ارزونې په موخه پرون ننګرهار ولایت ته سفر وکړ او نن د محرم الحرام پر ۲۱مه یې د ننګرهار ولایت په شپږمه ناحیه کې د وروستیو سیلابونو د زیانونو په اړه د خالص فامیلۍ له مشرانو سره ولیدل. ښاغلي مولوي م.ط.ی.ع ال_حق خا_لص له زیانمنو سره خواخوږي وښوده او د مرستې ډاډ یې ورکړ.نوموړي د سیلاب له امله رامنځ ته شوی زیان له مشرانو واورید او ویې وویل "وروستیو سیلابونو ۲۶ ولایتونو کې زیانونه اړولي او دوی یې په لاسنیوي بوخت دي".نوموړي مشرانو ته ډاډ ورکړ، چې افغاني سره میاشت یې د توان تر کچې لاسنیوی کوي او څه یې چې په وس پوره وي، نو له زیانمنو به یې دریغ نکړي.د افغاني سرې میاشتې سرپرست عمومي رئیس له مشرانو غوښتنه وکړه، چې د مرستې لپاره دې افغاني سرې میاشتې ته تل هغه وګړي ور وپېژني، چې سخت اړمن وي.
نوموړي له مشرانو سره له لیدنې وروسته د سیلابونو له امله د زیانمنو شویو او نړیدلو کورونو له نېږدې لیدنه هم وکړه.
په ننګرهار ولایت کې د شیخ مصري ښارګوټی له هغو سیمو دی، چې وروستیو ورښتونو په کې ۴ تنه شهیدان او ۲ ټپیان کړل. ترڅنګ یې ۶ کورونه بشپړ ړنګ او ا۸ نور زیانمن شول. د افغاني سرې میاشتې سرپرست عمومي رئیس ښاغلي مولوي مطیع الحق خالص نن به بېزِ اکمالاتي او خالص فامیلۍ کې د سیلاب ځپلو سیمو له لیدو وروسته یاد ښارګوټي ته ورغی او د شهیدانو د کورنۍ پوښتنه یې وکړه.
نوموړي د شهیدانو له ورثه و سره خواخوږي څرګنده کړه او ډاډ یې ورکړ، چې افغاني سره میاشت به یې تر خپله وسه لاسنیوی وکړي. همدا ډول یې له ټپیانو سره هم ولیدل.
