د افغاني سرې میاشتې سرپرست عمومي رئیس چین کې د يوولسو ملي ټولنو د مسؤلینو لپاره جوړ شوي سیمينار کې ګډون وکړ
د افغاني سرې میاشتې سرپرست عمومي رئیس چین کې د يوولسو ملي ټولنو د مسؤلینو لپاره جوړ شوي سیمينار کې ګډون وکړ
دغه سیمينار چې د آى سي آر سي او د سرو مياشتو د نړیوال فدراسیون په نوښت جوړشوی و، د افغاني سرې میاشتې د سرپرست عمومي رئیس ښاغلي شیخ الحديث شهاب الدین دلاور او د نوموړي د مرستيال ښاغلي حافظ عزيز الرحمن سربېره په کې د ۱۰ بېلابېلو هېوادونو د سرو میاشتو او سرو صلیبونو مسؤلینو ګډون درلود.
د ياد سيمينار موخه د ملي ټولنو د رهبرۍ د مهارتونو لوړول، د ستراتېژيکو پلانونو جوړول او د بشري مرستو د اغېزمنتیا د زیاتوالي په اړه د پوهاوي زياتولو ترڅنګ د رهبرۍ او مدیریت نوي مفاهیم، د بشري خدماتو د وړاندې کولو په اړه نوې لارې چارې زده کول او د نړیوالو همکارانو ترمنځ د همغږۍ پياوړتيا وه.
همدا راز په ترسره شوي سیمينار کې د افغاني سرې میاشتې سرپرست عمومي رئیس د افغانستان د روانو بشري اړتیاوو، خپلو فعالیتونو، او راتلونکو پروژو په اړه د تفصیلي معلوماتو وړاندې کولو ترڅنګ په خپل منځي بحث کې د بیړنیو خدماتو وړاندې کولو تجربې او د ټولنې اړتیاوو ته د رسېدنې پر نوښتونو خبرې وشوې.
