غزني؛ د ۵۰ رضاکارانو لپاره د خوندي لاسرسي او رضاکارانو مدیریت څلور ورځنی ورکشاپ پای ته ورسېد
چهارشنبه، ۲۴ ربیع الآخر ۱۴۴۸
د افغاني سرې میاشتې له لوري د غزني ولایت په نماینده ګۍ کې د ۵۰ رضاکارانو لپاره د خوندي لاسرسي او رضاکارانو مدیریت تر عنوان لاندې څلور ورځنی روزنیز ورکشاپ د تصدیق پاڼو په وېشلو سره پای ته ورسېد.
دغه ورکشاپ د سره صلیب نړیوالې کمېټې په مالي ملاتړ ترسره شو، چې ګډونوالو ته پکې د خوندي لاسرسي د چوکاټ، عناصرو او د رضاکارانو د اغېزمن مدیریت په اړه روزنه ورکړل شوه.
همداراز، رضاکارانو ته د رضاکارانه فعالیتونو د ښه تنظیم او په بېلابېلو شرایطو کې د خوندي او اغېزمن فعالیت په اړه لازمې لارښوونې او عملي زده کړې ورکړل شوې.
د یاد ورکشاپ موخه د خوندي لاسرسي او رضاکارانو د مدیریت په برخه کې د رضاکارانو د پوهې او وړتیاوو لوړول وو.
