نن دوشنبه د سرې میاشتې سرپرست عمومي ریس او مرستیال یې په خپل کاري دفتر کې د اسلامي همکاریو د سازمان له سفیر سره تعارفي غونډه ترسره کړه
د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور او مرستیال یې نن دوشنبه د محرم الحرام میاشتې په ۲۳ نېټه خپل کاري دفتر کې په افغانستان کې د اسلامي همکاریو د سازمان له سفیر ښاغلي دوکتور محمد سعید العیاش او مل پلاوي سره تعارفي ناسته ترسره او د يو لړ مهمو موضوعاتو په اړه يې خبرې وکړې. .
په پيل کې د افغاني سرې میاشتې سرپرست عمومي رئیس د اسلامي همکاريو سازمان له هر اړخيزو همکاريو مننه وکړه او د سوري زړه ناروغانو د درملنې د بهير، پېښځپلو او له بهرنيو هېوادونو څخه د راستنېدونکو کډوالو د لاسنیوي په تړاو د تفصيلي بحث ترڅنګ يې د سوري زړه ناروغانو د درملنې په پار د روغتون ودانۍ، طبي وسایلو او د خېمو جوړونې فابريکې په برخه کې د همکارۍ غوښتنه هم وکړه.
ورپسې ښاغلي العیاش په افغانستان کې د افغاني سرې میاشتې خدمات اغیزمن وبلل او په ياده برخه کې یې د مرستې ژمنه وکړه.
