سرپرست سکرتر جنرال په افغانستان کې د نړیوال فدراسیون له مسئولینو سره وکتل!

arcs_website_admin
دوشنبه ۱۴۰۴/۲/۸ - ۱۱:۱
خبر

سرپرست سکرتر جنرال په افغانستان کې د نړیوال فدراسیون له مسئولینو سره وکتل!

د افغاني سرې میاشتې‎ سرپرست سکرتر جنرال ښاغلي مولوي روح الله عبدالسلام نن دوشنبه، د شوال میاشتې پر ۳۰مه، د خپلو مرستیالانو په شتون کې په افغانستان کې د نړیوال فدراسیون له سرپرست مسئول ښاغلي احمد سلیمان او د ستراتیژيکې همغږۍ او بشري دیپلو ماسۍ له مسئولې آغلې هُما نادر سره له ګاونډيو هېوادونو د بېرته راستنېدونکو کډوالو د کورنيو د شمېر زياتوالي ته په کتو د هغوی د لومړنیو اړتیاوو د پوره کولو په موخه د بشري مرستو د پراختیا په تړاو ناسته وکړه.
ناسته کې سرپرست سکرتر جنرال د راستنو شویو کډوالو کورنیو د اقتصادي ستونزو په اړه د نړیوال فدراسیون له سرپرست مسئول سره معلومات شریک کړل او د یادو کورنیو د اقتصادي ودې او پر ځان د بسياینې برخه کې یې هغوی ته د کوچنیو کاروبارونو د پروژو د پیل غوښتنه وکړه. 
همدا ډول یاد پلاوي راستنېدونکو کډوالو ته د افغاني سرې میاشتې له لوري ترسره کېدونکي خدمات وستایل او ژمنه یې وکړه چې د راستنو شویو کډوالو ستونزو ته به رسېدنه کوي.
دا راز دوى په خپلو خبرو کې د راستنېدونکو کډوالو لاسنیوی او ملاتړ د ټولو ملي او نړیوالو خیريه مرستندویه بنسټونو ګډ مسئولیت یاد کړ او په دې برخه  کې يې د هر راز همکارۍ ډاډ څرګند کړ.

تازه خبرونه

شنبه ۱۴۰۵/۸/۳۰ - ۹:۲۵
Background image

کابل؛ ۳۲ کارکوونکو ته د مالي کړنلارو په اړه څلور ورځنۍ روزنه پیل شوه

شنبه، ۱۰ جمادی‌ الآخره ۱۴۴۸

د افغاني سرې میاشتې د مالي ریاست په نوښت، د روغتیايي خدمتونو، داخلي پلټنې، مالي او پېښو ریاستونو او کنټرول آمریت ۳۲ کارکوونکو ته د مالي مدیریت او کړنلارو په. . .

شنبه ۱۴۰۵/۸/۳۰ - ۶:۳۹
Background image

زابل؛ له ۷۰۰ زیانمنو کورنیو سره ۸.۷۵ میلیونه افغانۍ نغدي مرسته وشوه

شنبه، ۱۰ جمادی‌ الآخره ۱۴۴۸

د افغاني سرې میاشتې له لوري د زابل ولایت د شملزو ولسوالۍ په ځنځیر کلي کې د جګړو له امله له ۷۰۰ زیانمنو کورنیو سره ۸ میلیونه او ۷۵۰ زره افغانۍ نغدي مرسته. . .

شنبه ۱۴۰۵/۸/۳۰ - ۵:۲۴
Background image

پکتيا کې زرګونو ناروغانو ته پراخ روغتيايي خدمتونه وړاندې شوي

شنبه، ۱۰ جمادی الآخره ۱۴۴۸ 

د افغاني سرې میاشتې روغتیايي کارکوونکو د پکتیا ولایت په بېلابېلو ولسوالیو او کلیو کې د تېرو ۳۰ ورځو په اوږدو کې ۷۵۹۹ تنو سراپا ناروغانو ته د معاینې، اړینو. . .

BACK TO NEWS