راستنېدونکو کډوالو لپاره د لا ښو روغتیایي خدماتو د وړاندې کولو په موخه له کاري شریکانو سره د همغږۍ ناسته وشوه!
راستنېدونکو کډوالو لپاره د لا ښو روغتیایي خدماتو د وړاندې کولو په موخه له کاري شریکانو سره د همغږۍ ناسته وشوه!
نن پنجشنبه د شوال میاشتې پر ۱۲ مه، د افغاني سرې مياشتې د روغتيايي خدماتو رياست د مسٸولينو او يو شمېر کاري شريکانو ( ای سي ار سي نړیوالې کمیټې، نړیوال فدراسیون، قطر سرې میاشتې، ډنمارک او ناروې سرو صلیبونو) ترمنځ د راستنېدونکو کډوالو لپاره پر وخت او غوره روغتيايي خدماتو د وړاندې کولو په موخه د همغږۍ ناسته ترسره شوه.
ناسته کې د روغتیایي خدماتو ریاست له لوري راستاته شويو کډوالو ته د ترسره شویو روغتیایي خدماتو په تړاو معلومات وړاندې او دوى ته د لا ښو او غوره خدماتو د وړاندې کولو په برخه کې له کاري شريکانو د هر اړخيزې همکارۍ غوښتنه وشوه.
کاري شريکانو له خپل اړخه د هر ډول همکارۍ ډاډ ورکړ او نړیوال فدراسیون ژمنه وکړه چې په نزدې ورځو کې به د تورخم په عمري کمپ کې د نورو مرستو د ترسره کولو ترڅنګ ۵ ګرځنده روغتیایي ټيمونه او ۲ روغتیایي کمپونه جوړ او له لارې به يې راستنېدونکو کډوالو ته روغتيايي خدمات وړاندې شي.
