د افغاني سرې میاشتې مرستیال د ختیځ زون د مرستون له چارو او د رواني مرکز لپاره د وقف شوې ځمکې لیدنه وکړه!
د افغاني سرې میاشتې مرستیال د ختیځ زون د مرستون له چارو او د رواني مرکز لپاره د وقف شوې ځمکې لیدنه وکړه!
نن سه شنبه د ذو القعدې د میاشتې پر لومړۍ نېټه، د افغاني سرې میاشتې مرستیال ښاغلي حافظ عزیز الرحمن له مل پلاوي سره ننګرهار ولایت ته د خپل سفر په ترڅ کې د ختیځ زون د مرستون له بېلابېلو برخو لکه د داخلي مشمولینو د اوسېدو خونې، تفرېح ځایونو، د حرفوي زده کړو له مرکز او د مرستون له چاپېریال د ليدنې ترڅنګ د بهسودو ولسوالۍ د هډې اخند زاده سيمې د خلکو له لوري د رواني ناروغانو د ساتنې او پالنې د معياري مرکز لپاره له وقف شوې ځمکې هم ارزونه وکړه.
ښاغلي مرستيال د مرستون له داخلي مشمولينو سره خبرې وکړې، مسٸولينو ته يې لازمې سپارښتنې وکړې، د هغوى ستونزې يې له نږدې واورېدې او د حل په موخه يې ډاډ ورکړ.
دا راز ښاغلي حافظ عزيز الرحمن د هډې اخند زاده سيمې له علماوو، قومي مشرانو او سپين ږيرو مننه وکړه چې د خير ښېګڼې په نيت يې سرې مياشتې ته ياده ځمکه وقف کړې ده.
په پام کې ده چې د امکاناتو په برابرېدو سره به په ياده ځمکه کې د افغاني سرې مياشتې له لوري د هر ډول اسانتياوو په لرلو سره د ختيځ زون په کچه د رواني ناروغانو د ساتنې او درملنې يو معياري مرکز جوړ شي.
