دافغاني سرې میاشتې عمومي سرپرست ریس ښاغلي شهاب الدین دلاور په خپل کاري دفتر کې د ډنمارک دسره صلیب له مشر سره تعارفي لیدنه وکړه
نن یکشنبه د محرم الحرام د میاشتې پر ۲۲مه، د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور په خپل کاري دفتر کې د ډنمارک د سره صلیب د پروګرامونو له مسئول ښاغلي احمد ولي او ګډ پلاوي سره تعارفي ناسته وکړه.
د ناستې په پیل کې د افغاني سرې میاشتې سرپرست عمومي رئیس شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور ياد پلاوي ته د ښه راغلاست ويلو ترڅنګ د دوی له همېشنیو همکاریو مننه وکړه او له اړمنو سره په ستونزمنو او کړکېچنو حالاتو کې یې د دوی لازمې او هر اړخیزې همکارۍ وستایلې.
نوموړي زیاته کړه "ملي ټولنې د یوه هدف لپاره کار کوي او چېرته چې اړمن وي، د هغوى د لاسنيوي لپاره بايد د همکارۍ لپاره یو بل ته لاس ورکړي.
ورپسې د ډنمارک د سره صلیب د پروګرامونو مسئول په افغانستان کې د مختلفو پروګرامونو لکه; روغتیایي، امرار معیشت، حرفوي زده کړو او پېښځپلو ته د رسېدنې په برخه کې په تفصیلي بڼه خپل معلومات شریک کړل او له افغاني سرې میاشتې سره يې د لا ډېرو همکاريو او ګډو هڅو ډاډ څرګند کړ.
