لوګر؛ سلګونه کورنیو ته د پاکو اوبو او روغتیا ساتنې په اړه عامه پوهاوی ورکړل شو
پنجشنبه، ۲۲ صفر ۱۴۴۸
د افغاني سرې میاشتې له لوري د مرکز پلعلم په بېلابېلو سیمو کې سلګونو کورنیو ته د پاکو اوبو او روغتیا ساتنې په اړه د عامه پوهاوي پروګرام ترسره شو.
دغه پروګرام، چې د ۴۰ رضاکارانو پر مټ تنظیم شوی و، په ترڅ کې یې ګډونوالو ته د پاکو اوبو د خوندي کارونې، روغتیا ساتنې او د اوبو د سپما په اړه اړین معلومات او سپارښتنې وړاندې شوې.
افغاني سره میاشت د عامه پوهاوي د پروګرامونو له لارې هڅه کوي، چې د خلکو روغتیايي پوهاوی لوړ، د پاکو اوبو د خوندي کارونې دود پیاوړی او د اوبو د سپما کلتور ته وده ورکړي.
