ننګرهار؛ پر ۱۰۰۰ اړمنو بزګرانو ۲۳ میلیونه افغانۍ نغدي مرسته ووېشل شوه
دوشنبه، ۷ جمادی الأولی ۱۴۴۸
د افغاني سرې میاشتې له لوري د ننګرهار ولایت په اچین ولسوالۍ کې پر ۱۰۰۰ اړمنو بزګرانو ۲۳ میلیونه افغانۍ نغدي مرسته ووېشل شوه.
یاده مرسته د سره صلیب نړیوالې کمېټې له لوري چمتو شوې وه، چې هر بزګر ته ۲۳ زره افغانۍ ورکړل شوې.
دغه مرسته د بزګرانو د اقتصادي ملاتړ، د کرنیزو فعالیتونو د پیاوړتیا او د هغوی د اقتصادي ستونزو د را کمولو په موخه ترسره شوه.
افغاني سره میاشت د خپلو بشري پروګرامونو له لارې د اړمنو بزګرانو د ملاتړ او د هغوی د کرنیزو فعالیتونو د پیاوړتیا لپاره خپلو هڅو ته دوام ورکوي.
