کابل؛ د ستونزو د مدیریت ۱۲ ورځنی ورکشاپ پیل شو
شنبه، ۱۵ ذو القعده ۱۴۴۷
د افغاني سرې میاشتې په مرکزي دفتر کې د رواني سلاکارانو او ډاکټرانو لپاره د ستونزو د مدیریت په برخه کې ۱۲ ورځنی ښوونیز ورکشاپ پیل شو.
دغه ورکشاپ د ډنمارک سره صلیب په مالي ملاتړ ترسره کېږي، چې په کې ۳۴ تنه ښځینه او نارینه روغتیايي کارکوونکي ګډون لري.
د ورکشاپ په لړ کې به ګډونوالو ته د رواني فشارونو د پېژندنې، د ورځنیو ستونزو د اغېزمن مدیریت، د بحراني حالاتو پر مهال د مؤثر غبرګون او د مراجعینو د ستونزو د حل عملي لارې چارې ور زده شي.
تمه ده چې د ورکشاپ له پای ته رسېدو وروسته به ګډونوال وکولای شي د رواني سلاکارۍ، د فشارونو او د ورځنیو ستونزو د مدیریت په برخه کې اغېزمن او معیاري خدمتونه په خپلو کاري ساحو کې وړاندې کړي.
