د روژې په مناسبت؛ پکتیکا کې پر ۲۰۰ اړمنو کورنیو ۱۹.۱ ټنه خوراکي مرسته ووېشل شوه
سې شنبه، ۷ رمضان ۱۴۴۷
د افغاني سرې میاشتې له لوري د پکتیکا ولایت د ګومل ولسوالۍ په شاوزه سیمه کې پر ۲۰۰ اړمنو او بېوزله کورنیو ۱۹.۱ ټنه خوراکي مرسته ووېشل شوه.
په مرسته کې هرې کورنۍ ته ۹۵.۵ کیلو خوراکي توکي ورکړل شول، چې پکې ۵۰ کیلو اوړه، ۲۴.۵ کیلو وریژې، ۵ لیټره غوړي، ۵ کیلو بوره، ۵ کیلو لوبیا، ۲ کیلو مالګه، ۳ کیلو خُرما او ۱ کیلو شین چای شامل وو.
د مرستې موخه د روژې په مبارکه میاشت کې د اړمنو د اقتصادي ستونزو را کمول او د دوی د لنډمهاله خوراکي توکو د اړتیاوو پوره کول وو.
د یادونې وړ ده، چې له دې وړاندې هم د یاد ولایت په نعمت آباد او چهاربران ولسوالیو کې پر ۶۰۰ اړمنو کورنیو ورته مرسته وېشل شوې وه.
افغاني سره میاشت د خپلو اووه ګونو اصولو په رڼا کې د اړمنو او بېوزله هېوادوالو لاسنیوي ته دوام ورکوي.
