کندز کې د رواني روغتیا له مرکز څخه ۳۶ تنه رغېدلي ناروغان رخصت شول
پنجشنبه، ۲۴ شعبان ۱۴۴۷
د افغاني سرې میاشتې له لوري د شمال ختیځ زون اړوند په کندز ولایت کې د رواني ناروغانو د ساتنې او درملنې له مرکز څخه ۳۶ تنه رغېدلي ناروغان تر بشپړې درملنې وروسته د یوې غونډې په ترڅ کې رخصت شول.
د یادونې وړ ده، چې افغاني سره مياشت د هېواد په شپږو زونونو (کابل، کندهار، ننګرهار، بلخ، هرات، کندز) کې د رواني ناروغانو د ساتنې او درملنې مرکزونه لري، چې په کې يادو ناروغانو ته هر اړخيز روغتيايي خدمتونه وړاندې کېږي.
افغاني سره میاشت د خپلو پراخو بشري خدمتونو ترڅنګ، د رواني روغتیا په برخه کې هم د هېوادوالو لاسنیوی کوي او د بېوسه ناروغانو لپاره د هر اړخیزې درملنې اسانتیاوې برابروي.
