پروان؛ له ښوونیز مرکز څخه ۸۰ تنه زده کوونکي فارغ شول
یکشنبه، ۱۸ جمادی الأولی ۱۴۴۷
د افغاني سرې میاشتې له لوري د پروان ولایت اړوند د ځوانانو او رضاکارانو له ښوونیز مرکز څخه د نهمې دورې د فن او بیان، انګلیسي او کمپیوټر برخو ۸۰ تنو زده کوونکي د يوې غونډې په ترڅ کې فارغ شول.
غونډه رضاکاره ښوونکو او فارغو شوو زده کوونکو ته د تصدیق پاڼو په ورکړې سره پای ته ورسېده.
د یادونې وړ ده، چې اوسمهال په یاد ښوونیز مرکز کې ۲۹۰ تنو هغو زده کوونکو ته چې په شخصي ښوونیزو مرکزونو کې د فيس ورکولو توان نه لري؛ د تعلیم الاسلام، فن او بیان، لیک لوست، ریاضي، انګلیسي او کمپیوټر برخو کې په وړیا ډول زده کړې ورکول کېږي.
