د افغاني سرې میاشتې ټولنې د کندهار مرستون نوې ودانۍ پرانيسته!
د افغاني سرې میاشتې ټولنې د کندهار مرستون نوې ودانۍ د افغاني سرې میاشتې ټولنې مرستیال ملا نورالدین (ترابي) صاحب، د کندهار والي محترم حاجی محمد یوسف (وفا)، د افغاني سرې میاشتې د زون، نمایندګۍ او کندهار مرستون کارکوونکو، رضا کارانو او دینی علماؤ په حضور کې د۱۴۰۰ کال د لړم میاشتې پر ۸ نیټه ګټې اخستنې ته وسپارل شوه.
دغه درې پوړیزه ودانۍ د کندهار ښار په عینو مېنه کې د ۲۴ بې سرپرسته کورنیو لپاره د ۶۱ میلیونو افغانیو په لګښت د افغاني سرې میاشتې ټولنې له بودیجې څخه جوړه شوې او ګټې اخیستنې ته وسپارل شوه.
