د افغاني سرې میاشتې ټولنې د مرستیال، سکرترجنرال او سکرترجنرال د مرستیالانو پیژندغونډه!
ښاغلی نقیب الله سالارزی، د افغاني سرې میاشتې ټولنې د عمومي ریاست د مرستیال، ښاغلی ډاکتر محمد نبي برهان، په اجرایوي چارو کې د عمومي ریاست سرپرست مرستیال( سکرترجنرال)، ښاغلي محمد طیب یوسفزی، په حمایوي او ښاغلي نوروزعلي علیزاده په عملیاتي چارو کې د سکرترجنرال د مرستیالانو په توګه د افغاني سرې میاشتې ټولنې د سرپرست رېیسې آغلې دوکتور نیلاب مبارز له لوري د یو لړ مراسمو په ترڅ کې معرفي شول.
پیژندغونډه نن یک شنبه د روان ۱۴۰۰ لمریز کال د غبرګولي پر دوهمه نیټه د افغاني سرې میاشتې ټولنې د سرپرست رېیسې آغلې دوکتور نیلاب مبارز، د ملي ټولنې مرستیال ښاغلي نقیب الله سالارزی، په اجرایوي چارو کې د عمومي ریاست سرپرست مرستیال (سکرترجنرال) ښاغلي ډاکتر محمدنبي برهان، په حمایوي او عملیاتي چارو کې د سکرترجنرال د مرسیالانو(الحاج محمد طیب یوسفزی او ښاغلی نوروزعلي علیزاده )، په افغانستان کې د سره صلیب د کمیټې او د سره صلیب او سرې میاشتې د نړیوال فدراسیون د استازو، په افغانستان کې د فولبرایټانو د ټولنې استازو، د ورته ملي ټولنو( قطر، کویټ، ترکیې، ناروې او کاناډا) د استازو، د مرکزي او سیمه ایزو دفترونو کارکوونکو، د ملي ټولنې رضاکارانو او غړو په ګډون سره د افغاني سرې میاشتې ټولنې په مرکزي تالار کې دایره شوه.
غونډه د قران کریم د څو مبارکو آیتونو په تلاوت سره پیل شوه چې ورپسې د افغاني سرې میاشتې تولنې سرپرست رئیسې آغلې دوکتور نیلاب مبارز خبرې وکړي او ادلون بدلون یې د ادارې یو اصل او اړتیا وبلله، نویو مرستیالانو ته یې د مبارکۍ ترڅنګ د بریاوو هیله وکړه.
په غونډه کې د اجنډا سره سم هر یو په خپل وار سره د افغاني سرې میاشتې ټولنې د رهبرۍ له اعتماد څخه د مننې ترڅنګ ژمنه وکړه؛ ترڅو ورسپارل شوې چارې لا ګړندۍ او په بشپړه روڼتیا او صداقت سره پرمخ یوسي.
د سره صلیب او سرې میاشتې د نړیوال فدراسیون سرپرست ډاکتر آروین، د رهبرۍ نوی ټیم؛ پیاوړی او ژمن ټیم وباله او د عمومي رئیس، نوي ټیم او ټولو همکارانو لپاره یې د بري هیله وکړه. او همدارنګه یې له سرې میاشتې سره د نړیوال فدراسیون د هر اړخیزو مرستو څخه ډاډ ورکړ. غونډه په دعایې سره پای ته ورسیده.
