د افغاني سرې میاشتې مرستيال د مرکزي دفتر، زونونو او ولايتي څانګو د مسٸولينو په روزنيز ورکشاپ کې ګډون وکړ!
د افغاني سرې میاشتې مرستيال د مرکزي دفتر، زونونو او ولايتي څانګو د مسٸولينو په روزنيز ورکشاپ کې ګډون وکړ!
نن دوشنبه د جمادي الآخر میاشتې پر ١۴مه، د افغاني سرې میاشتې له لوري د سازماني ظرفيت ارزونې تر عنوان لاندې د پنځه ورځني روزنيز ورکشاپ دويمه ورځ د سرې مياشتې د مرستيال ښاغلي حافظ عزيز الرحمن او د سکرتر جنرال د عملياتي مرستيال ښاغلي مولوي عبداللطيف ثابت په ويناوو سره پيل شو.
ښاغلي عزيز الرحمن په خپلو څرګندونو کې د ياد ارزښتمن او ګټور ورکشاپ پر ارزښت د خبرو ترڅنګ ګډونوالو ته د هغوى د کاري مسٸوليتونو په تړاو لازمې لارښوونې وکړې او له دوى يې غوښتنه وکړه څو له دې فرصت ښه استفاده وکړي.
ورپسې ښاغلي ثابت د افغاني سرې مياشتې د فعاليتونو او چارو په ترسراوي کې د اووه ګونو بنسټيزو اصولو پر اهميت رڼا واچوله او په ورکشاپ کې د خپل منځي بحثونو او د سازماني ظرفيت ارزونې لپاره د ترسره کېدونکو ګروپي کارونو پر ارزښت يې هر اړخيزې خبرې وکړې او ددې بحثونو نتايج يې د افغاني سرې مياشتې د راتلونکو برنامو او پلانونو لپاره مهم وبلل.
یاد ورکشاپ کې به د افغاني سرې مياشتې د سازماني ظرفيت ارزونې او تصديق په اړه بېلابېل خپل منځي بحثونه ترسره او د نتايجو په اړه يې لازمې پرېکړې وشي.
