تورخم!
نن شنبه چې د ربيع الثاني ۲۷مه نېټه ده، افغاني سرې مياشتې د تورخم له لارې په تېرو لس ورځو کې راستنېدونکو ۷۷۸۰ بېوزله او اړمن ناروغانو په وړيا ډول درملنه کړي، چې ۳۰۳۵ تنه يې له پېنځو کلنو کم عمره ماشومان وو. د يادو ناروغانو له ډلې ۲۳۰۰ د ستوني، سينې، زکام او ور سره تړليو ناروغيو، ۱۷۰۸ د نس ناستي ناروغان، ۵۹۷ د پوستکي ناروغان، ۱۲۲۰ مېندو ته د زېږون روغتيا مشورې ورکړل شوي، ۳۹۰ ماشومان د بېلابېلو ناروغيو پر وړاندې واکسين شوي، ۱۲۰۹ کسانو ته د رواني روغتيا مشورې ور کول شوي دي، ۲۷ د ملاريا پېښې ثبت شوي دي او ۳۲۹ ټپيان پانسمان شوي دي. همدارنګه يو شمېر ماشومانو ته د يخنۍ ضد بنيانونه او ځينو ناروغانو ته صابونونه هم ور کول شوي دي. د يادونې وړ ده،چې د افغاني سرې مياشتې ګرځند روغتيايي ټيمونه نږدې له دوه هفتو را هيسې تورخم کې د راستنېدونکو کډوالو ځای ته رسيدلي او تر دې دمه يې پراخ بشرپال روغتيايي خدمتونه تر سره کړي دي.
