میدان وردګ!
افغاني سرې مياشتې په ټول هېواد کې هېوادوالو ته د روغتيايي خدماتو ترسره کولو په موخه ګرځند، ثابت او فرعي کلينيکونه رامنځ ته کړي، چې په ورځينۍ توګه اړمنو، پېښځپلو او بې وسه وګړو ته په بېلابېلو برخو کې روغتيايي خدمات وړاندې کوي.د يادو روغتيايي مرکزونو له جملې څخه يو هم د میدان وردګ ولايت روغتيايي مرکزونه دي، چې په تېره يوه مياشت کې يې ټولټال ۵۹۱۲ تنه وګړو ته په بېلابېلو برخو کې روغتيايي خدمات ترسره کړي. چې له دې جملې يې د ۲۴۲۷ ناروغانو کتنه او درملنه کړې او وړيا درمل يې ورکړي، د ۲۸۸ ټپيانو پانسمان يې کړی، ۵۰۵ ښځو او ماشومانو ته بېلا بېل واکسينونه تطبیق کړي، ۲۳ تنه په خوار ځواکۍ اخته ماشومانو ته ځانګړي خوراکي توکي ورکړي،۳ ميندو ته له زېږون مخکې او وروسته د روغتيايي ساتنې اړوند اړينې مشورې ورکړي، همدارنګه ۲۶۶۶ تنو ته د ځان ساتنې روغتيايي لارښوونې او عامه پوهاوی ورکړی.
