نورستان، ننګرهار؛ ۴۰۷ سېلاب ځپلو کورنیو ته ۴ میلیونه، ۲۷۳ زره او ۵۰۰ افغانۍ نغدي مرسته ووېشل شوه
سې شنبه، ۱۵ جمادی الأولى ۱۴۴۸
د افغاني سرې میاشتې له لوري د نورستان ولایت په مرکز پارون کې ۳۵۸ او د ننګرهار ولایت د بټیکوټ ولسوالۍ په انبار خانې کلي کې ۴۹ سېلاب ځپلو کورنیو ته ۴ میلیونه، ۲۷۳ زره او ۵۰۰ افغانۍ نغدي مرسته ووېشل شوه.
یاده مرسته د ملي ټولنو نړیوال فدراسیون له لوري چمتو شوې وه، چې هرې کورنۍ ته ۱۰ زره او ۵۰۰ افغانۍ ورکړل شوې.
د دغې مرستې موخه د سېلاب ځپلو کورنیو د لومړنیو اړتیاوو پوره کول او د هغوی بشري ملاتړ دی.
افغاني سره میاشت هڅه کوي، چې د طبیعي پېښو له امله زیانمنو کورنیو ته پر وخت اړینې بشري مرستې ورسوي او د هغوی د لومړنیو اړتیاوو په پوره کولو کې اغېزمنه ونډه واخلي.
