د افغاني سرې میاشتې عمومي سرپرست ریس ښاغلي شهاب الدین دلاور د آی ایچ ایچ موسسې له مرستیال ښاغلي سلیمان اپلی سره وکتل
د افغاني سرې میاشتې سرپرست عمومي رئیس ښاغلي شـ.ـيـ.ـخ الحـ.ـ.ـديث شـ.ـ.ـهـاب الـ.ـ.ـدين دلاور نن د صفر المظفر د میاشتې پر ۲مه، خپل کاري دفتر کې په افغانستان کې د آی ایچ ایچ مؤسسې له مرستیال ښاغلي سلیمان اپلي او مل پلاوي سره تعارفي ناسته وکړه.
ناسته کې د افغاني سرې میاشتې سرپرست عمومي رئیس یاد پلاوي ته له ښه راغلاست ویلو وروسته له افغاني سرې میاشتې سره په تېر کې د دوی د لازمو همکاریو مننه وکړه او په ستونزمنو حالاتو کې یې د دوی ترسره کړې مرستې ارزښتمنې وبللې.
نوموړي له مقابل لوري غوښتنه وکړه، څو په راتلونکي کې هم له دې خیریه ټولنې سره خپلو بشرپاله مرستو ته دوام ورکړي او له اړمنو او بې سرپرستو وګړو خپلې مرستې و نه سپموي.
همدارنګه په افغانستان کې د آی ایچ ایچ مؤسسې مرستیال په خپلو څرګندونو کې د افغاني سرې میاشتې سرپرست عمومي رئیس ته د نوي مسئولیت او دندې مبارکي وویله او له دې خیريه ملي ټولنې سره یې خپل هر اړخیز فعالیتونه په تفصیلي توګه بیان کړل.
نوموړي زیاته کړه "د افغانستان وګړي له ګڼو ستونزو سره لاس او ګرېوان دي، مونږ د انساني او ایماني وجیبې له مخې له مستحقو وګړو سره هر ډول همکارۍ ته چمتو یو او خپلو مرستو کې به په کافي اندازه ډېروالی راولو".
