کابل!
هېوادوالو ته د پېښو پر وړاندې د مبارزې او ځواب وينې په اړه عامه پوهاوی ورکول د افغاني سرې میاشتې د فعالیت برخه ده. له همدې امله د افغاني سرې میاشتې له لوري نن د ربيع الأول پر ۲۰مه، د کابل ولايت په مرکزي رياست کې پېښو ته د ځواب وينې اړوند موضوعاتو د عامه پوهاوي نظري او عملي شپږ ورځينی ورکشاپ پای ته ورسېد. په ورکشاپ کې د حوادثو ریاست کارکوونکو په شمول د ۱۸ ریاستونو دوه دوه کارکوونکو هم ګډون درلود. د یاد ورکشاپ په پای کې د افغاني سرې میاشتې سرپرست عمومي رئيس ښاغلي مولوي مطیع الحق خالص ګډونوالو ته د تصدیق پاڼو د وېش پر مهال وويل: الله تعالی دې وکړي چې له دغه ورکشاپ څخه مو یو څه زده کړه حاصله کړې وي، په ورځيني ژوند کې ترې ګټه واخلیٔ او تر نورو یې ورسوﺉ.
