د افغاني سرې مياشتې سرپرست عمومى رئيس محترم مولوي مطيع الحق خالص ننګرهار کې د ښوونيز ورکشاپ پرانيسته وکړه!
د جمادی الاولی په ۲مه د افغاني سرې میاشتې له لورې د ختیځ زون ساحوی ریاست د غونډو په تالار کې ۳۵ تنه ښځینه او نارینه روغتیا پالانو ته د فلج، روغتیایې خدماتو او اداري کړنو په تړاو درې ورځنى ورکشاپ د سرې مياشتې د مشرتابه په افتتاحيه وينا پیل شو. د ورکشاپ د پرانستې پرمهال د افغاني سرې میاشتې عمومي رئیس ښاغلی مولوي مطیع الحق خالص وویل: "ورکشاپ د زده کړی یو ښه ميتود او وسيله ده، هر څه مو چې زده کړي نورو ته یې وښایې، خپل رسالت په ښه ډول ترسره کړۍ او د خپلې پوهې په وسیله د بیوزلو لاسنیوی وکړئ". نوموړی له ښځینه روغتیاپالو هم وغوښتل چې د خپلو بشرپاله کړنو په مټ د زوریدلو خویندو خدمت په ښه اخلاص ترسره کړئ. نوموړي روغتیاپالان په ننګرهار، کونړ او نورستان ولایتونو کې د کتلوي معافیت پروژې تر چتر لاندې روغتیایې چوپړونه ترسره کوي.
