د افغاني سرې میاشتې سرپرست عمومي رییس دوحه کې د قطر هېواد د بهرنیو چارو وزارت له استازو سره په یو لړ موضوعاتو ناسته ترسره کړه!
د افغاني سرې میاشتې سرپرست عمومي رییس مولوي مطیع الحق خالص دوحه کې د قطر هېواد د بهرنیو چارو وزارت له استازو سره په یو لړ موضوعاتو ناسته ترسره کړه. په ناسته کې د افغاني سرې میاشتې سرپرست عمومي رییس ښاغلي مولوي مطیع الحق خالص د افغانستان د خلکو ستونزې او حل لارې شریکې کړې.
همدا ډول یې د قطر له هېواد، بهرنیو چارو وزارت او سرې میاشتې مننه وکړه چې دوحې ته د افغاني سرې میاشتې د وروستي پلاوي په راتګ کې یې مرسته وکړه او ناستې یې تنظیم کړې. نوموړي پر افغانستان د لګیدلو اقتصادي بندیزونو له امله افغانانو ته د ورپېښو بشري ستونزو په اړه هم تفصیلي خبرې وکړې.
د ښاغلي مولوي مطیع الحق خالص له څرګندومو وروسته د قطر د بهرنیو چارو وزارت استازو د همکارۍ ژمنه وکړه.
