ننګرهار؛ افغاني سرې میاشتې له یو تن معلول کس سره بېړنۍ مرسته وکړه
شنبه، ۸ جمادی الآخره ۱۴۴۷
د افغاني سرې میاشتې عمومي رئیس، ښاغلي شیخ الحدیث شهاب الدین دلاور، ننګرهار ته د سفر پر مهال، له هغې اړمنې کورنۍ سره، چې د کورنۍ سرپرست یې له څو کلونو راهیسې فلج او د کار کولو توان یې نه درلوده، د خوراکي او غیر خوراکي توکو ترڅنګ، چې اوړه، غوړي، وریژې، بوره، لوبیا، مکروني او ځينې نور توکي په کې شامل و؛ د نغدو پیسو مرسته وکړه.
عمومي رئیس د یادې کورنۍ سرپرست ته ډاډ ورکړ، چې له دې وروسته به د افغاني سرې میاشتې د بېرونیو مشمولینو په چوکاټ کې هره میاشت له دوی سره نغدي مرسته کېږي او د ختیځ زون ریاست مسؤولینو ته یې سپارښتنه وکړه، څو له دې کورنۍ سره نږدې راتلونکي کې د نورو غیر خوراکي توکو مرسته هم وکړي.
افغاني سره میاشت د خپلو بنسټیزو اصولو او بشري خواخوږۍ له مخې د اړمنو، مستحقو او بې سرپرسته کورنیو لاسنیوی خپل مسئولیت ګڼي.
