بدخشان؛ د سختو ورښتونو له امله له ۴ زیانمنو کورنیو سره ۱۲۰ زره افغانۍ نغدي مرسته وشوه
سې شنبه، ۷ محرم ۱۴۴۸
د افغاني سرې میاشتې له لوري د بدخشان ولایت په ارګو، کشم او یفتل پایان ولسوالیو کې له ۴ هغو کورنیو سره، چې د وروستیو سختو ورښتونو له امله ورته ځاني او مالي زیانونه اوښتي وو، ۱۲۰ زره افغانۍ نغدي مرسته وشوه.
یاده مرسته د زیانمنو کورنیو د لومړنیو اړتیاوو د پوره کولو په موخه ترسره شوه، چې له مخې یې هرې کورنۍ ۳۰ زره افغانۍ ترلاسه کړې.
افغاني سره میاشت هڅه کوي د طبیعي پېښو له امله زیانمنو کورنیو ته پر وخت مرستې ورسوي او د هغوی د بېړنیو او لومړنیو اړتیاوو په پوره کولو کې مرسته وکړي.
