کابل مرکزي مرستون کې پر ۳۰۰ بې سرپرسته مېرمنو نغدي مرسته ووېشل شوه!
کابل مرکزي مرستون کې پر ۳۰۰ بې سرپرسته مېرمنو نغدي مرسته ووېشل شوه!
نن يکشنبه د رمضان میاشتې پر ۲۳مه، د افغاني سرې میاشتې مرکزي مرستون کې د کابل ولایت د یو شمېر ولسواليو او ناحیو پر ۳۰۰ بې سرپرسته مېرمنو راتلونکي کې د ځان بسياینې او پیل کړو کوچنیو کاربارونو کې د پراختیا په موخه یو ځل بیا ۴،۵۰۰۰۰۰څلور میلیونه او پنځه سوه زره افغانۍ نغدي مرسته ووېشل شوه؛ چې هرې بې سرپرسته مېرمنې ته ۱۵،۰۰۰ افغانۍ ورکړل شوې.
ياده دې وي چې څه موده وړاندې هم د یادو ۳۰۰ بې سرپرسته مېرمنو له ډلې ۱۱۰ مېرمنو ته د خیاطۍ د وسایلو پېرلو او همدا ډول پاتې ۱۹۰ مېرمنو ته د چرګانو د پېرلو لپاره شل شل زره افغانۍ نغدي مرسته ورکړل شوې وه.
