د افغاني سرې میاشتې مرستیال د کابل ولایت د موسهي ولسوالۍ له ولسوال سره وکتل!
د افغاني سرې میاشتې مرستیال د کابل ولایت د موسهي ولسوالۍ له ولسوال سره وکتل!
نن دوشنبه د شعبان د میاشتې پر ۱۸مه، د افغاني سرې میاشتې مرستیال ښاغلي حافظ عزیز الرحمن په خپل کاري دفتر کې د کابل ولایت د موسهي ولسوالۍ له ولسوال ښاغلي مولانا عبدالجمیل او مل پلاوي سره یادې ولسوالۍ کې د اړمنو او بېوزله کورنیو د لاسنیوي او د هغوی ستونزو ته د رسېدو په پار ناسته ترسره کړه.
ناسته کې تر ښه راغلاست وروسته د موسهي ولسوالۍ مسئول او راغلي پلاوي د موسهي ولسوالۍ د خلکو ستونزې او اړتیاوې د افغاني سرې میاشتې له مرستیال سره شریکې کړې او دې برخه کې یې د همکاریو غوښتنه وکړه.
ورپسې د افغاني سرې میاشتې مرستیال په خپلو څرګندونو کې د اړمنو او بې وزله کورنیو ملاتړ او لاسنیوی د افغاني سرې میاشتي مسئولیت یاد کړ او ډاډ یې ورکړ، چې د یادې ولسوالۍ د خلکو ستونزو ته به رسېدنه او ځواب وینه وکړي.
