زابل ولایت کې د افغاني سرې میاشتې له لوري له ۴۰۰ نورو اړمنو کورنیو سره مرسته وشوه!
نن د روان ۱۴۰۰ لمریز کال د مرغومي پر ۱۲مه د زابل ولایت په ارغنداب ولسوالۍ کې د افغاني سرې میاشتې او د قطر او کویت د سرو میاشتو له لوري په ګډه له ۴۰۰ جنګ ځپلو، وچکالۍ ځپلو، بې ځایه شویو او بې سرپرسته کورنیو سره د خوراکي او غیرخوراکي توکو مرسته وشوه.
په یاده مرسته کې ۲۰ کیلو اوړه، ۱۰ کیلو وريژې، ۵ کیلو دال، ۵ کیلو بوره، ۵ لیتره غوړي، چای او يو نظافتي کیټ شامل دي.
تېره ورځ هم زابل کې د افغاني سرې میاشتې په ریاست کې د افغاني سرې میاشتې له لوري له ۱۰۰ کورنیو سره یاده مرسته ترسره شوې وه. له هغې یوه ورځ وړاندې د مرکز قلات په سرخکان سیمه کې له ۱۵۰ او دوه ورځې وړاندې میزانه ولسوالۍ کې ۳۵۰ کورنیو ته یاده مرسته ویشل شوې وه.
په پام کې ده په څو ورځو کې دننه به په زابل ولایت کې ټولټال ۱۰۰۰ اړمنو کورنیو ته د قطر او کویت د سرو میاشتو له لوري چمتو شوې مرسته د افغاني سرې میاشتې له لوري وویشل شي.
