جوزجان کې ۵۰۰ راستنې شوې کورنۍ له بشري مرستې برخمنې شوې
یکشنبه، ۲۳ ذو القعده ۱۴۴۷
د افغاني سرې میاشتې له لوري د جوزجان ولایت د مرکز شبرغان ښار ۵۰۰ راستنې شوې کډوالې کورنۍ له بشري مرستې برخمنې شوې.
یاده مرسته، چې د ازبکستان هېواد له لوري چمتو شوې وه، له مخې یې هرې کورنۍ ته ۵۰ کیلو اوړه، ۱۰ لیټره غوړي، ۱۸ کیلو وریژې، ۹ کیلو بوره، ۴.۵ کیلو مکروني، ۳۸ پاکټه آش، ۵ کیلو بیسکوېټ، د حفظ الصحې او یو شمېر نور اړین توکي ورکړل شول.
د دې مرستې له لارې به د یادو کورنیو لومړنۍ او د خوراکي او غیر خوراکي توکو لنډمهاله اړتیاوې تر یو حده پوره شي.
افغاني سره میاشت د راستنو شویو هېوادوالو پر وخت لاسنيوی کوي او د هغوی د ژوند د ښه والي لپاره لازمې بشري آسانتیاوې برابروي.
